Nobeta Azadîye ke rayberîya Înîsîyatîfê Ocalanî rê Azadîye de 25ê hezîrana 2012î de seba azadîya Rayberê Şarê Kurdî şaristanê Strasbourgî yê Fransa de dest pêkerde, serra 10. de dewam kena.

Nobeta Azadîye hewteyê 506. de ya. Çalakîkerê nê hewteyî şaristanê Pforzheimî yê Almanya ra kurdîstanijî Cafer Selçuk, Abdullah Mutlu, Hasan Kocahal  û Abdulkadîr Kizilboga yê.

Nameyê kome ser o Cafer Sulçukî qisey kerd û pare kerd ke armancê çalakîye qedînayîşê tecrîdî û caardişê azadîya Ocalanî yo.

Selçukî vist vîrî ke bingeyê krîz û meseleyanê Tirkîya de meseleya kurdan esta û tecrîd pêro zîndananê Tirkîya ra vila bîyo, tepişteyê nêweşî terkê mergî benê.

Selçukî da zanayene ke têna pê têkoşînî tecrîd yeno şiknayene û vat: ''Ma têkoşînê xo pîl bikerê, Rayberîye azad bikerê. Azadîya Rayberîye yena manaya azadîya pêro şaran.''