Dezgehê Keyeyanê Şehîd û Vîndîbîyayan ê Ewropa (KOMAW) do 28'ê Êlule roja Şeme bajarê Dusseldorfî yê Almanya  de verba polîtîkayanê zorbaz û kiştox ê dewleta Tirkî mîtîng û rayşîyayîşêk organîze bikero.

KOMAW‘î  semedê tewrbîyayîşê çalakîye îzehetêk weşana û nê pare kerdî: ''Kurdî şaranê kahanan ê Rojkewtena Mîyanêne ra yew ê û dewleta Tirkî bi polîtîkaya qirkerdişî ya fîzîkî û kulturkî wazena ke Kurdan çîn bikero. Dewleta Tirkî seba qirkerdişê Kurdan temam bike her wextî ra zafêr şer kena giranêr. Hetêk ra vera Rojawan û Başûrê Kurdîstanî hêrişê îşxalî yenê kerdene hetê bînî ra zî Vakur de bi qeyûman îradeyê şarî yeno xespkerdene. Dewleta Tirka ke di ser cuwa ver Efrîn îşxal kerd, nika zî wazena şaristananê bînan îşxal bika û rayir dana çeteyanê DAÎŞ'î. Reng, ziwan û bawerîya xo çi beno wa bibo ganî her kesa/o wayîrê wijdanî vengê xo berz bike/o û sucanê verba merdimîye rê vaje/o 'hînî bes o. Rayberîya dezgehanê keyeyan ê şehîdan de do roja Şeme Dusseldorf de bi beşdarbîyayîşê  gazîyanê ke şer de birîndar bîyî, keyeyê şehîdan û şarê ma mîtîngêk  virazo. Ma wazenê polîtîkayanê qirkerdişî yê dewleta Tirkî yê vera Kurdan bidê eşnawitene û vera neheqîye vengê xo berz bikerê."