Îdareyê Dezgehê Keyeyanê Şehîdan (KOMAW) derheqê hêrişanê îşxalî yê dewleta tirke yê vera Başûrê Kurdîstanî û nêzdîbîyayîşê PDKyî de eşkerayîyêke daye. 

Eşkerayîye de bale ameye antene ser ke dewleta tirke key şerê vera kurdan de teng biba xîret kena ke mabênê kurdan de şer veja. Eşkerayîye de ame vatene ke PDK pê medya û çapemenîya xo xizmetê şerî û dişmenî keno. Eşkerayîye de astengkerdişê Heyetê Haştîye ame vîrvistene û ame vatene ke no têgêrayîşê PDKyî qesawetê kurdan zêdîneno.

Eşkerayîye wina dewam kena: ''Ma şerê vera Tirkîya de bi hezaran şehîdî dayî û nika zî ma her roje şehîd benê. Gerîlayî zî pêşmergeyî zî way û birayê ma yê. Fermandaranê gerîlayan pare kerd  ke ê şerê vera pêşmergeyan nêwazenê. Ma heman tewirî fermandaranê pêşmergeyan ra zî pawenê. Ganî gerîla û pêşmergeyî mil bi mil vera îşxalê dewleta tirke têkoşîn bikerê, xo ver bidê û Kurdîstanê azadî de pîya biciwîyê.''