9ê çeleyê 2013î de paytextê Fransa Paris de hîrê cinîyê kurdî yê sîyasetmedarî Sakîne Cansiz, Fîdane Dogan û Leyla Şaylemez ameybî qetilkerdene. Rixmo ke pêro delîlî sey dewleta tirke nîşan kenê hema zî qirkerdişî ra hukmatê tirkî û selahîyetdarê ci nêameyî muhakemkerdene.

TJK-F û CDK-F seba amadekarîyanê peyênan ê çalakîyanê Qirkerdişê Parisî û menga çeleyî kom bîye. Goreyê eşkerayîya Komîteya Amadekarîye 8ê çeleyî de Paris de do rayraşîyayîşêko pîl bêro kerdene, 5ê çeleyî de saete 12.00 de Merkezê Komelê Demokratîkî yê Kurdîstanî ra heta Buroyê Enfermasyonî yê Kurdîstanî çalakîya rayraşîyayîşî do bêro kerdene û 9ê çeleyî de zî Buroyê Enformasyonî yê Kurdîstanî de mîtîngêk do bêro kerdene.

Dezgehê kurdan zî seba çalakîyan mîyanê xo de do komîteya çalakîyan awan bikerê û şarî agahdar bikerê. Çalakîyî do bi şîarê 'Heta edalet tarîtîye de bimano Fransa sûcdar a' bêrê kerdene û xeylêk cinîyê fransizî û partîyê sîyasî zî do tewrê ci binê. Xebatê resim, pankart û vilawekan zî do dewam bikerê.

Komîteya Amadekarîye seba rayraşîyayîşê 8ê çeleyî venga şarî da û vat: ''Edalet û raştîye do îradeyê şarî û wayîvejîyayîşê şehîdanê xo vejê waran.''