Dewleta tirke ya îşxalkere 17ê nîsane de bi hemkarîya PDKyî vera Herêmanê Pawitişî yê Medya hêrişê îşxalî yê hîrayî dabî destpêkerdene. Vera hêrişanê dewleta tirke nêrazîbîyayîşî dewam kenê.

Serekê Komîteya Paştdayîşê bi Kurdîstanî Benny Gustafsonî derheqê hêrişanê îşxalî yê dewleta tirke de eşkerayîyêke daye û îfade kerd ke PKK şarê kurdî paweno. Gustafsonî da zanayene ke PKK seba demokrasî, ekolojî û azadîya cinîyan ê herême zî têkoşîn keno û venga dewleta tirke da ke Rojawan û Başûrê Kurdîstanî ra vejîya.

Îdarekaranê Komîteya Paştdayîşê bi Kurdîstanî ra Per Olov Nordinî dîyar kerd ke wextê şerê Ukrayna û Rûsya de dewleta tirke zî qanûnanê mîyanneteweyîyan binpay kena û hêrişê erdê Başûrê Kurdîstanî kena. Nordinî eşkera kerd ke ganî dewleta tirke sûcanê xo ra endamîya NATOyî ra bêra vetene. Nordinî venga her kesî da ke hêrişanê dewleta tirke protesto bikero.