Konferansê Demokrasî û Azadîye yê Berlinî yo ke do 2 rojan dewam bikero bi qiseykerdişê Prof. Dr. Neşe Ozgen û rojnameger Hayko Bagdatî dest pêkerd.

Ozgene qiseykerdişê xo de vat: ''Ameyox ma yê, nê salonî de ma pîya yê. Ma sey kurdan, armenîyan, sûryanan, elewîyan, lazan pê pêro nasnameyanê xo tîya de yê. Ma do ameyoxê xo awan bikerê.''

Komîteya Amadekarîye derheqê konferansî de vat: ''Pêro nasname û komê bawerîye û êyê ke wijdanî temsîl kenê ke Tirkîya, Kurdîstan de mexdûrê sîstemî yê, tîya de yê. Her kes tîya de vera dîktatorîye cîyatîya xo paweno, krîteranê hemparan vejeno werte û do bi têkoşînî faşîzmî birijnê. Oyo giring no yo ke na hemkarîye konferansî ra dima zemînê pratîkî de do biaso.''

Konferans de Dr. Latîfe Akyuz moderatorîye kerde. Prof. Baskin Oran, Prof. Cengîz Aktar, Serekê Rûmetî yê AABKyî Turgut Oker, Serekê Rûmetî yê HDPyî Ertugrul Kurkçu, Hemserekê OHDyî Bunyamîn Şeker, Kampanyaya Peymana Îstanbulî ra Kubra Derîn û Avûkatê Heqanê Merdiman Yîgît Aksakgolî roja verêne ya konferansî de babeta ''Tesbîtê Zîyanî'' ser de qisey kerd.