Intersendikalî şaristanê Zaragoza yê Îspanya de kongreya xo ya 12. kerde. Temsîlkaranê kurdan û Polisarioyî zî kongre de qisey kerd û qala sûcanê dewleta tirke kerde.

Eyup Doruyî nameyê şarê Kurdîstanî ser o delegeyê kongre selam kerdî û bale ante îşxal û qirkerdanê dewleta tirke yê vera Kurdîstanî ser. Doruyî pare kerd ke dezgehê mîyanneteweyî, Neteweyê Yewbîyayeyî, Konseya Ewropa vera sûcanê Tirkîya tewirê xo nêmojnenê. Doruyî vat: ''Seba ke Tirkîya endama NATOyî ya vera sûcanê ci her kes bêveng o.''

Doruyî ard ziwan ke dewletê Ewropa rixmê binpaykerdişê heqanê merdiman zî hema zî çekan roşenê Tirkîya û vist vîrî ke îqtîdarê AKP-MHPyî dest nayo şaredarîyanê kurdan ser. Doruyî bale ante qirkerdişanê sîyasîyan ser û vat: ''Serekkomarê Tirkîya bi xo vat ke o qanûnanê mîyanneteweyîyan nêşinasneno.''

Doruyî venga hêzanê mîyanneteweyîyan da ke paştî bidê Rayberê Şarê Kurdî Abdullah Ocalanî û şarê kurdî.

Selahîyetdarê hukmatê Îspanya zî beşdarê kongre bîyî.