Paytextê Danimarka Kopenhag pê çalakîyêke bêvengîya vera şuxulnayîşê çeka kîmyewîye ameye şermezarkerdene. Kurdê ke verê temsîlkarîya Neteweyanê Yewbîyayeyan (NY) de ameyî têhet veng da Rêxistina Qedexekerdişê Çekan ê Kîmyewîyan (OPCW) wa şirê Tirkîya ser ke çekanê kîmyewîyan meşuxulno.

Çalakîye hetê Merkezê Komelê Demokratîkî yê Kurdan û Meclîsê Cinîyan ê Sevê ra ameye organîzekerdene.  Bi desan kesanê ke verê NYyî de ameyî têhet pê pankarte û sloganan bale ante çekanê kîmyewîyan ê ke dewleta tirke vera kurdan şuxulnena ser. Çalakîya de veng dîya rayapêroyîye û heme dezghanê eleqedaran ê  mîyanneteweyî ke wa bêveng memanê. Çalakwana derheqê çekanê kîmyewîyan de dosyayêke teqdîmê temsîlkaranê NYyî kerde.