Bajarê Cenevre yê Swîsre de Rojawanij Alî Wazîrî seba ke Neteweyê Yewbîyayeyî û dezgehê mîyanneteweyî vera hêrişê serê Rojawanî  bêveng ê vernîya Neteweyê Yewbîyayeyî de xo vêşna.

Vervatoxê polîsanê Cenevre vat ciwanê ke xo vêşnayo mektubek xo dima nêverdayo. Alî Wazîro ke Hesekê ra yo bi helîkopter ame berndene bi Nêweşxaneyê Lozanî. Wazîr beşa nêweşîya girane de yeno tedawîkerdene. Doktoran da zanayene ke bendenê ey se de 80 vêşayo û rewşa ci giran a.

Birayê Alî Wazîrî, Lezgîn Wazîro ke ajansê ma rê qisey kerd va: ''Alî bajarê Essenî yê Almanya de ronişeno, wayîr di domanan û semedê zîyaretkerdişê ma birayanê xo amebi Swîsre. Alîyî hêrişê dewleta Tirkî yê vera Rojawan de zaf embaz û merdimê xo vînî kerdî. Coka ganê ey dejayêne û bêvengîya Ewropa rê tehemulê ci nêmendbi. La çalakîya wînayêne  ma ey ra nêpawitêne.‘‘