Bajarê Reimsî yê Fransa û bajarê Giessenî yê Almanya de bi wesîleya serrgêra ronayîşê PKKyî aktîvîteyî ameyî kerdene.

Şayîya Reimsî de xeylêk kesê ke ameyî têhet bi sloganan heskerdişê xo yê seba PKKyî ard ziwan. Hemserekê FEDA Demîr Çelîkî ke tîya xîtabê şarî kerd vat: ''Kurdî ça benê wa bibê ganî têkoşîn bikerê. Seserrî yo ke wazenê ma cêser bifînê û vera ma ser bikewo. Rika înan ra ganî ma bibê yew û ser bikewê.'' Xeylêk rêxistin û dezgehan zî bi mesajanê xo ronayîşê PKKyî pîroz kerd û waşt wa qedexeyê serê ci bêro wedaritene. Hunermedî Amar Zakirov, Lea Gariglietti, Hozan Farqîn, Nûarîn û Diyar Dersim’in zî bi deyîranê xo tewrê şewe bîyî.

Şayîya Giessenî zî bi rêzgirewtişê semedê şehîdanê têkoşînê azadîye yê Kurdîstanî dest pêkerde. Hemserekê KON MEDî Zubeyde Zumrut qiseykerdişêk kerd. Zumrute bale ante têkoşînê têgêrayîşê azadîye yê ser û vat ganî vera qedexeyê PKKyî têkoşîn bêro pîlkerdene. Hunermend Seyîtxan û hunermendê herêmî zî bi deyîranê xo reng da şewe.