Bajarê Sydneyî yê Awustralya û paytextê Îtalya Roma de bi çalakîyan tecrîd ame şermezarkerdene û xoverdayîşê grevê vêşanîye û rojeyê mergî ameyî silmakerdene.

Kurdistanijê bajarê Sydneyî yê Awustralya tewrê rayraşîyayîşê 1'ê Gulane bîyî. Rayraşîyayîşo ke parka Hyde de dest pêkerd, temsîlkarê partîyanê sîyasîyan, sendîka û xeylî komelî tewrê ci bîyî. Kurdistanijî zî tewrê rayraşîyayîşî bîyî û bale ante serê tecrîdkerdişê Rayberê Şarê Kurdî Abdullah Ocalanî û grevê vêşanîye. Dimayê rayraşîyayîşî parka Elîzabethe de mîtîngêk ame viraştene.

Paytextê Îtalya Roma de zî Erol Aydemîr 46 rojî yo grevê vêşanîye de yo. Avûkatê Baroyê Romayî yê ke şîyê serdana Aydemîrî da zanayene ke akademîsyenanê Îtalyanijan seba çalakwananê grevê vêşanîye dest bi kampanyaya îmzeyan kerda. Roja Şeme zî wendekaranê wendegehê mîyanênî ra grubêk teba di mamostayanê xo şîyî serdana çalakwanê grevê vêşanîye. Hetê bînî ra zaf cayanê Romayî de derheqê grevê vêşanîye de pankartî ameyî dardîkerdene.