Şaristanê Liege yê Belçîka de resepsîyonê Newroze ame kerdene. Xeylêk kurdîstanijî, dostê kurdan, avûkat, akademîsyen, rêxistinê komelê sivîlî û temsîlkarê îdareyanê herêmîyan tewrê resepsîyonî bîyî.

Resepsîyon Parc du Jardin Botanique de ame kerdene. Resepsîyon de verî Temsîlkara Kongreya Neteweyî ya Kurdîstanî Gulê Algunerhan qisey kerd û da zanayene ke Newroze ewro seba kurdan sey roja xoverdayîşî bîya sembole.

Nameyê Komelê Kurdan ê Liege ser o Gulîstane Ozer qisey kerd û bale ante tarîxê Newroze ser. Ozere pare kerd ke Kawayê Asinkerî ra heta Mazlûm Doganî kulturê Newroze kurdan reyde bîyo yew. Ozere qiseykerdişê xo de serebûtê aktuelî yê Kurdîstanî vist vîrî û qala tecrîd tedayanê vera Rayberê Şarê Kurdî Abdullah Ocalanî û tepişteyanê sîyasîyan kerde.

Qiseykerdişan ra dima deyîranê hunermend Hamîd Urmîye reyde govende ameye girewtene.