London de mîyanê hewteyêkî de 11 kurd û tirkîyayîjî merdî

Vîrusê Korona ra paytextê Brîtanya London de mîyanê hewteyêkî de 11 kurdîstanijî û tirkîyayîjî merdî.

Îngîlîstan de her ke şino vîrusê Korona vila beno û beno semedê merdhê bi seyan kesan. London de zî mîyanê hewteyêkî de 11 kurdîstanijan û tirkîyayîjan wefat kerd. Mabênê di rojan de Meleke Ejder, Mihemet Abdurrahman, Kamil Ahme, Yildiray Faîk ê erzînganijî û tewr peyên de zî dewa Elbîstanî ra Hecî Elî Doxuş merdî.

Alxas-Com û Meclîsê Şarê Kurdî mesajêkê serweşîye erşawit û vat: ''Ma erjê xo vînî kerdî. Ma şarê xo rê serweşîye wazenê. Korona ra keyeyê xo ra mevejê, tebdîranê weşîye sey esas bigêrê.''