Lozan û Marîgnan de çalakîyê paştîdayîşê grevê vêşanîye
Seba ke bale biancîyo çalakîyanê grevanê vêşanîye yê ke seba wedartişê tecrîdê serê Rayberê Şarê Kurdî Abdullah Ocalanî Lozan û Marîgnan de çalakîyî ameyî organîzekerdene.
Seba ke bale biancîyo çalakîyanê grevanê vêşanîye yê ke seba wedartişê tecrîdê serê Rayberê Şarê Kurdî Abdullah Ocalanî Lozan û Marîgnan de çalakîyî ameyî organîzekerdene.
Hemsereka KCDyî Leyla Guvene seba ke tecrîdo girano ke Rayberê Şarê Kurdî Abdullah Ocalanî ser o yeno bicaardene protesto bikero kewtebî grevê vêşanîye û çalakîye ewro kewte roja 65ine û Başurê Kurdistanî de Hewlêr de, Bajarê Fransa Strasbuourg, Bajarê Gallerî Newport û zîndananê Tirkîya de zî grevê vêşanîye dewam kenê.
Kurdistanijê ke Ewropa de cuwîyenê zî seba ke paştîye bidê û bale biancê grevê vêşanîye ser çalakîyan organîze kenê.
LOZAN
Bajarê Lozanî yê Swîsre de çarçiwaya çalakîyanê CDK, Federasyonê Karkeran ê Maciran ê Swîsre, Yewîya Cinîyan ê Sosyalîstan û Young Struggleyî de mîtîngê paştîdayîşê grevanê vêşanîye yê Leyla Guvene, tepişteyanê zîndanan, Hewlêrî, Strasbourgî û Gallerî ke dewam kenê ameyî viraştene.
Partîyanê Solidarite û POP Lozanî û grûbanê sosyalîstan zî paştdarîye daye çalakîye û mîtîng verê Dêra St. Laurentî de ame viraştene.
Mîtîng de slogana ‘Biciwîyo paştîdayîşo Şoreşgerî’ amî eştene û çalakîye vilakerdişê vilawekanê bi Franskî ra dima qedîyaye.
MARÎGNAN
Bajarê Fransa Marîgna de zî hetê endamanê Tevgera Ciwanan ê Şoreşgeran ra yew çalakîye amî organîzekerdene. Çalakîye saet 18:30 de bi rayîrşîyayîşî dest pêkerde û peyê cû verê Şaredarîya Marîgnanî de hetê ciwanan ra beyanatê çapemenîye ame dayene.
Beyanat de bale ancîyaye çalakîyanê grevê vêşanîye ser û wina ame vatene: “Xoverdayîşo ke bi grevê vêşanîye yê zîndanê Amedî dest pêkerdo û bîyo vila bi saya Rayberê Şarê Kurdî Abdullah Ocalanî resa heta ewro.”