Defend Rojava (Rojawan Bipawê) eşkerayîyêka nuştekîye weşana û vist vîrî ke hukmatê Erdoganî û dewleta Tirkî îşxalkarîyan û qirkerdişanê xo yê Rojawanî rê verê çimanê dinya de dewam kenê.

Eşkerayîye de ame vatene ke rejîmo faşîst bi îşxalkarîye û qirkedişan wazeno demografîyê herême bivurno û hêzê QSD, YPG û YPJ'yî û hêzê enternasyonalîstî û şarê herême bi hewayêkê tarîxî verba hêrişan xo ver danê.

Eşkerayîye de ame balantene ke pêroyê dinyaye seba şarê Kurdî û hêzanê demokrasîyî û azadîye yê Rojawanî her roje vejîyene meydanan û ame vatene: "Bibê vengê Şorişê Rojawanî. Şorişê Rojawanî verba şerê menfaatî yê Rûsya, Amerîka û pêro dewletanê emperyalîstan têkoşînê ma yo ke bi hêzî dewam keno. Naye ra bi nameyê platformê 'Defend Rojava Ewropa' ma veng danê pêroyê hêzanê demokrasîyî ke tewrê rayraşîyayîşo merkezî yê NRW'yî yê 19'ê Teşrîna Verêne bibê."

Goreyê eşkerayîye wext û wareyê çalakîye wina yo:

Saet: 11:00

Basko destpêk: Ebertplatz (Düsseldorf, Essen, Duisburg, Dortmund, Münster, Bielefeld)

Basko diyînî: Clodwigplatz (Köln, Aachen, Bonn, Troisdorf)”