Ronayoxanê PKKyî ra Sakîne Cansiz (Sara), Temsîlkara KNKyî ya Parisî Fîdane Dogan (Rojbîn) û Endama Têgêrayîşê Ciwanan ê Kurdan Leyla Şeylemez (Ronahî) 9ê çeleyê 2013yî de paytextê Fransa Paris de ameybî qetilkerdene. Dîwanê Hemserekîye yê KONGRA-GELî bi wesîleya qirkerdişî eşkerayîye daye û nê pare kerdî:

''Seba ke hesabê Qirkerdişê Parisî bêro persayene 9 serrî yo serkêşîya Têgêrayîşê Cinîyan ê Kurdan de şarê ma û destê ci û xeylêk cayanê dinya de rêxistinanê hîsgeran ê cinîyan mucadeleyo gird kerd. Fransa herinda eşkerakerdişê kiştoxan de waşt serê dosya biqefilnê. Halbukî her kes qiştoxan sarisneno, adresê înan bewlî yê.  Pîya bi belgeyan serekê verênî yê Dayîreyê Îstîxbaratî yê Fermandarîya Pêroyî Îsmaîl Hakki Pekînî programêkê TVyî de îtîraf kerd ke Qirkerdişê Parisî hetê MÎTî ra ameyo kerdene. Fransa mesuldara ke nê qirkerdişî roşn bikero. Fransa paştî dana qirkerdişê seserran ê dewleta tirke yê vera kurdan. Dewleta tirke rîyê polîtîkayanê qirkerdişî yê vera kurdan kewta mîyanê krîzê xorîyî. Hîni qet çîyêk nêeşekno rijnayîşê faşîzmê îqtîdarê AKP-MHPyî.

Heta ke Qirkerdişê Parisî bêro roşnkerdene do têkoşînê ma bêro dewamkerdene. Semedê wayîrvejîyayîşê Sara, Rojbîne û Ronahî û heme merdimanê ma yê ke qirkerdişan de ameyî qetilkerdene vergirewtişê qirkerdişanê neweyan ganî rejîmê dewleta tirke bêro rijnayene. Nika tam prosesê rijnayîşê faşîzmî yo. Dewleta tirke ya ke vera têkoşînê Rayber Apo, gerîla û şarê ma de bikewte wextê xo yê peyênî ciwîyena.  Hêrişê û zextê zîndanan zî rîyê tersê rijanyîşê rejîmî ra zêdîyayî. Feydeyê tersî ecelî rê çîn o, faşîzm do birijîyo ê hesabê heme kerdişanê xo bidê.

Serkêşîya TJK-E de 8ê çeleyî roja şemeyî do semedê prostestokerdişê qirkerdişê dewleta tirke yê vera Sara, Rojbîne û Ronahî û vengdayîşê hukmatê Fransa ganî her kes Paris de bê. Seba ke ma bibê vengê şehîdan û şarê xo ma 8ê çeleyî de sey laserî verê xo bidê Paris.''