Hetkerê Hemserekê Komelê Îslamîya Kurdîstanî (CÎK) Mala Davud Ovsemeyî derheqê Komployê Mîyanneteweyî yê vera Rayberê Şarê Kurdî Abdullah Ocalanî de qisey kerd.

Mala Davud Ovsemeyî ard ziwan ke dima ke hêzanê hegemonîkan dî ke Ocalan tesîrê kurdan keno komplo ard ca û vat: ''Hêzanê hegemonîkan waştêne hêvîya 'îşxalî ra xelisîyayîşî' ya şarî bişiknê. La înan nêzanayêne ke Rayberîye zîndan de yan zî teber de zî bibo tim seba kurdan kesêko bitesîr o. Merdiman dormeyê Rayberîye de çembero adirin viraşt. Komployî ra dima zî Rayberîye û şarê kurdî xo kerd newe vurna. Hînî nêverdenê ke Rayber Apo telefon de zî qisey bikero. Eke ma têkoşînê xo pîlêr bikerê eşkenê azadîya Rayberîye bîyarê ca.''

Ovsemeyî vist vîrî ke hem dormeyo enternasyonalîst hem zî şarê kurdî wayîrê Hemleya Wextê Azadîye vejîyenê û vat: ''Wayîranê Nobelî, nuştoxan, roşnvîran û namdaran paştî daya na kampanya. Hînî ganî ma azadîya Rayberê xo bîyarê ca; çunke yew manaya esaretîya ci nêmenda. Her keso ke îşxal, vêşanîye û şeran qebul nêkeno, wayîrê paradîgmaya Rayberîye vejîyeno. Her kes paradîgmaya Rayberîye de xo vîneno.''