''Konferansê Mala û Alîmanê Kurdan ê Koçberan'' 31ê teşrîna verêne ya 2021î de şaristanê Kolnî yê Almanya de ame kerdene. Konferans bi beşdarîya se mala û şêxan Merkezê Komelê Îslamî yê Kurdîstanî de ame kerdene.

Konferans de rewşa Kurdîstanî û alemê Îslamî ame ercnayene. Tornanê Şêx Seîdî ra Şêx Hesenî zî konferans de qisey kerd.

Qiseykerdoxan bale ante hêrişanê îşxalî yê dewleta tirk ser û vat: ''Kurdîstan binê îşxalî de yo. Mîyanê na rewşe de mesuldarîya ma esta. Erkê ma yo ke ma yewîye bîyarê ca. Dewleta tirke vera gerîlayan çeka kîmyewîye şuxilnena û her roje Efrîn de sûcanê şerî kena. Mala û alîmê tirkî nê hêrişan meşrû vînenê.''

Konferansî ra dima netîcename ame wendene. Netîcename de venga Amerîka, welatanê Ewropa û bi taybetî venga Almanya ame dayene ke neheqîya Peymana Lozanî wedarnê. Netîcename de azadîya Rayberê Şarê Kurdî Abdullah Ocalanî ame dayene û venga pêro kurdan ame dayene ke paştî bidê Kampanyaya Azadîya Ocalanî.

Netîcename de wina ame vatene: ''Meseleya kurdan û Kurdîstanî de ganî ma bibê yew. Semedo ke barbarîya vera şarê ma biqeda ganî ma wayîrê mesuldarîyanê xo vejîyê. Ganî hemkarîya dişmenî ra fek vera bidê. Wext wextê paştdayîş û yewîye yo.''