Marsilya de kurdî û dostê înan Festîvala Kulturê Kurdan a Sînan Dêrsimî de ameyî yewca. Festîvale bi şîarê 'Ma xo rêxistin bikerê, Serek Apoyî azad bikerê, Kurdîstanî bipawê, Wext Wextê Azadîye yo' ameye kerdene. 

Warê festîvale pê fotografanê kadroyan ê rayberan ê PKKyî, şehîdanê PKK, YPG, YPJ û TJK-E xemilîya.  Festîvale de sloganê sey 'Biciwîyo Serek Apo, Bê serek cuye nêbena, Biciwîyo xoverdayîşê gerîlayan' ameyî vatene.

Xeylêk sîyasetmedarê kurdî tewrê festîvale bîyî. Endama Dîwanê KCDK-E Nursele Aydogan festîvale de vat: ''Çareserîya meseleya kurdan de adres Rayber Apo yo.'' Endamê Meclîsê Neteweyî yê Fransa Saîd Ahamadayî vat: ''Kurdî wayîrê kulturêkê zengînî yê. Ez pêro Fransa de temsîlkarîya kurdan bikera.''

Festîvale de hunermendî Kawa Ûrmiye, Zarîfe, Serhedo û Komunê TEV-ÇANDî ra Ozan Farûk, Koma Çar Sînor û Hozan Menal vejîyayî sehne ser û berhemê xo pêşkêş kerdî.

Festîvale pê govendan dewam kerde.