Bajarê Marsilya yê Fransa de serkêşîya Meclîsê Cinîyan ê Arine Mîrkan de gerîlayê şehîdî bi aktîvîteyêke ameyî vîrardene. Aktîvîteya ke şehîdî Adîfe Kanîreş, Avesta Cûdî, Berxwedan Zagros, Cesur Axîn ameyî vîrardene de şorişgêro kurd Aydin Gunay zî vîr a nêşi.

Aktîvîteya ke Merkezê Komelê Demokratîkî yê Kurdan de ame kerdene xeylêk kesî tewrê ci bîyî. Cayê vîrardişî pê fotografamê Rayberê Şarê Kurdî Abdullah Ocalanî û kadroyanê serkêşan ê PKKyî xemilîya. Erhan Tarhanî ke bi nameyê komele tîya qisey kerd, xoverdayîşê gerîlayan selam kerd û vat înan seba ke PKK lîsteya terorî bêro vetene kampanyaya îmzayan daya destpêkerdene.

Keyeyê Şehîde Adife Kanîreşî zî serê Rayberê Şarê Kurdî heme kurdan rê serweşîye waşte.