Bajarê Montpellierî yê Fransa de semedê wayîrvejîyayîşê HDPyî bi şîarê ma HDPyî medê qefilnayene, pêro pîya faşîzmî bin bifînê rayraşîyayîş ame kerdene.

Rayraşîyaşo ke sey rêzila merdimî Parka Peyruoyî ra heta Meydanê Comedî dewam kerd de sloganê sey ''HDP têna nîyo'', ''Ma HDPyîjê'', ''HDP her ca de yo''ameyî eştene. Çalakîye de vilawekê firansizkî ameyî vilakerdene. Badê rayraşîyîşê qiseykerdişan de ame vatene ke HDP seba ke vengê kurdan û muxalefetê şorişgêr û demokratîkî yo faşîzmê tirkî wazeno biqefilno û semedê wayîrvejîyayîşê HDPyî ame vengdayene.