Brîtanya de emser zî sey serranê bînan şayîyê Newroze do serkêşîya Meclîsê Şarê Kurdî de bêrê kerdene. Brîtanya de Newroze do bi şîarê 'Wext wextê azadîye yo' sere de London, Liverpool û Edinburgh de mabênê 19-27ê adare de xeylêk şaristanan de bêra fîrazkerdene.

Şayîya merkezîye zî do London de 19ê adare de bînaya Merkezê Komelê Kurdan ê Haringe de bêra kerdene. Serhado û Hozane Canê zî tede xeylêk hunermendî û komê muzîkî do şayîye de vejîyê sehne ser. 21ê adare de zî adirê Newroze London de do bêro tavistene.

Reyna 20ê adare de London de Finsbury Parke de şayîyêke bêra kerdene. Sîyasetmedar Osman Baydemîr, hunermendî Ferhat Tûnç, Serhado, Omid Şerîfî, Hozan Canê û Koma Zelal şayîye de do amade bibê.

Çarçewa aktîvîteyanê Newroze de 22ê adare de Parlamentoyê Brîtanya do bi beşdarîya sîyasetmedar, nuştox, akademîsyen û hunermendanê dostanê kurdan resepsîyonêk do bêro serûberkerdene.

Şaristanê Edinburghî yê Îskoçya de  Newroze do bi girseyan bêra fîrazkerdene. Osman Baydemîr û xeylêk hunermendî do tewrê na şayîye bibê.

Hemserekanê Meclîsê Şarê Kurdî yê Brîtanya Mîraz Serhat û Elîfe Sarican derheqê şayîyanê Newroze de agahîyî dayî û pare kerd ke ê Newroze bi şîarê 'Wext wextê azadîye yo' fîraz bikerê û dîyarîya azadîya Rayberê Şarê Kurdî Abdullah Ocalanî bikerê.

London: 19ê adare, Londra KCC, saete: 16:00-23:00 / 20ê adare Finsbury Park, saete: 12:00-19:00

Liverpool: 21ê adare, Olympia ,Liverpool, saete: 17:00-23:00

Edinburgh: 27ê adare, komele, saete: 12:00-17:00

London, Newroza Ciwanan, 19ê Adare, saete: 16:00-23:00,