Nobeta Azadîye grûba Mainzî de ya

Nobeta Azadîye ya ke bajarê Strasbourgî de semedê azadîya Rayberê Şarê Kurdî Abdullah Ocalanî yena kerdene, hetê grûba Mainzî ra ameye dewrgirewtene.

Nobeta Azadîye ya ke semedê azadîya Rayberê Şarê Kurdî Abdullah Ocalanî bajarê Strasbourgî yê Fransa de dewam kena, hewteyê 483 de hetê grûba Mainzî ra ameye dewrgirewtene. Grube de Hanefî Karayazi, Azad Malatya, Mehmet Dersim ca genê.

Hanefî Karayazîyî ke bi nameyê grûbe qisey kerd Endamê Komîteya Keyeyanê Şehîdan a PKKyî Yasîn Buluto (Şukrî Serhed)  Silêmanî de hetê dewleta tirke ra ame qetilkerdene yad kerd û xoverdayîşê gerîlayan selam kerd.

Karayaziyî vera bêvengîya Ewropa yê vera hêrişê serê kurdan nêrazîbîyayîş ard ziwan û vat tecrîdê Îmraliyî û hêrişê îşxalî yê vera herra kurdîstanî pîya yenê rayra berdene. Karayaziyî ard ziwan ke o reya hîrêyina ke tewrê çalakîya Nobeta Azadîye beno û vat bi na çalakîye dirîyîya Ewropa yena ramojnayene. Karayaziyî vist vîrî ke kurdî Ocalanî sey îradeyê xo vînenî û vat azadîya kurdan azadîya Ocalanî rê girêdayîya. Karayaziyî vat şarê kurdî do bi yewbîyayîşî nê têkoşînî biresno serkewtişî.