Çalakîya nobete ya ke seba azadîya Rayberê Şarê Kurdî Abdullah Ocalanî vernîya Konseya Ewropa (KE) ya bajarê Strasburgî yê Fransa de yena viraştene, hewteyê 382’ine de bi xebatkranê hetkarîya merdimîye dewam kena.
Çalakîya Nobeta Ocalanî rê Azadîye ya ke 25’ê Hezîran a 2012’î de vernîya Konseya Ewropa de dest pêkerdebî, her hewte bi grûbêka neweye bi qerardarîye yena domanyene.
Çalakîye no hewte hetê grûba xebatkaranê hetkarîya merdimîye ra ameye dewrgirewtene. Grûbe de Kurdistanijê bi nameyê Îbrahîm Kasakoglû, Mûhîttîn Dolaşi, Badaş Abdo û Fettah Cîrît ca gênê. Bi nameyê grûbe Badoş Apoyo ke qisey kerd vat ganî hêrişê dewleta Tirkî yê vera Kurdan cade bêrê vindarnayene. Çalakgeran heme şarê Kurdî ra waşt ke vera hêrişanê çînkerdişê Kurdan wa mucadeleyî gird bikerê.
