Nobeta Azadîye semedê azadîya Rayberê Şarê Kurdî Abdullah Ocalanî 25ê hezîrana 2012î de şaristanê Strasbourgî yê Fransa de dîyabî destpêkerdene. Nobeta Ocalanî rê Azadîye hewteyê 479. de hetê hetê endamanê Serbanê Meclîsanê Cinîyan ê Êzidîyan (SMJÊ)  ra yena kerdene.

Aktîvîstê SMJÊ Bedîa Emîn, Zubeyde Xebat, Binevşe Şengal û Xezne Xalit no hewte nobete dewr girewte.

Bedîa Emîn nameyê kome ser o qisey kerd û verî hêrişê dewleta tirke yê vera Şingalî şermezar kerdî. Bedîa ard ziwan ke ê do pê destvistişê xoserîya Şingalî têkoşînê şehîdan tacîdar bikerê. Bedîa Emîn îfade kerd ke dewleta tirke pê rayîrê hemkarê xo PDK xîret kena ke Şingalî îşxal bikera.

Bedîa Emîn da zanayene ke muxatabê çareserîya pêro meseleyan Rayberê Şarê Kurdî Abdullah Ocalanî yo û vat: ''Coka azadîya Rayber Apoyî girîng a. Ma semedê bêvengîya înan welatanê ewropa şermezar kenê. Ganî şarê kurdî têkoşînê xo ra fek vera nêdê. Heta ke Rayberê ma azad bo ganî şarê ma meydanan de bo.''