5ê hezîrana 2012î ra nata verê Konseya Ewropa ya Strasbourgî de semedê azadîya Rayberê Şarê Kurdî Abdullah Ocalanî çalakîya Nobeta Azadîye yena kerdene.

Nobeta Ocalanî rê Azadîye pê endamanê Meclîsê Şehîd Armancî yê Zurichî hewteyê 494. de dewam kena. Kome de Cuneyt Hacioglû, Ubeyît Kûtûm û Vedat Urper ca gênê.

Cuneyt Haciogluyî nameyê kome ser o qisey kerd û ard ziwan ke kurdî bi serran o seba azadîya Abdullah Ocalanî têkoşîn kenê la dezgehê Ewropa derheqê babete de tênêgêrenê.

Haciogluyî vat: ''Bêvengîya dezgeh û welatanê Ewropa hemkarîya sûcî ya. Tecrîdê vera Rayberê ma tecrîdê vera şarê kurdî yo. Coka wedarnayîşê tecrîdî seba çareserîya meseleya kurdan gamêk a. Azadîya Rayber Apoyî azadîya şarê kurdî ya ke bi serran o yeno qirkerdene û heqê înan yenê binpaykerdene.''

Cuneyt Haciogluyî venga şarê kurdî û dostanê ci da ke wayîrê çalakîye vejîyê û vat: ''Cayê kerdişanê antîdemokratîkan Îmrali yo û rayîrê awankerdişê ameyoxê azadî têkoşînê vera tecrîdî yo.''