Nobeta Azadîye 25ê hezîrana 2012î de şaristanê Strasbourgî yê Fransa de semedê azadîya Rayberê Şarê Kurdî Abdullah Ocalanî dîyaye destpêkerdene. Nobeta Azadîye hewteyê 481. de pê koma Frankfurtî ya Almanya dewam kena.

Kome de kurdîstanijî Firat Vûral, Taylan Guven û Fatîh Yagan ca gênê.

Firat Vuralî nameyê kome ser o qisey kerd û pare kerd ke pê na çalakîya şarê kurdî israrê xo yê semedê azadîye mojnenê

Firat Vuralî vat: ''Ewropa paştî dana komplo, tecrîd, qirkerdişê kurdan. Hêzo ke sîstemê îşkenceyî yê Îmraliyî awan kerd Ewropa yo. Vera sîyasetê komployî yê Ewropa no îrade qetî do ser bikewo. Ewropa nêwazena na mesele çareser bikera. Şarê kurdî pê na çalakîya hemkarîya sûcî ya Ewropa eşkera keno.''

Vuralî vist vîrî ke Hemleya Wextê Azadîye serrêke xo peyde verdaye û da zanayene ke na hemle mojna ke kes nêeşkeno xoverdayîşê şarê rêxistinbîyayeyî çin bikero. Vuralî vat: ''Şarê kurdî  bi her hawayî do tecrîdî bişikno û ameyoxê azadî biaferno.''