Partîya Antîkapîtalîste ya Newîye ya Fransa (NPA) derheqê gefanê îşxalî yê dewleta tirke de eşkerayîyêke daye û vat: ''Ma Rojawanî bipawê, Erdoganî vindarnê.''

NPA eşkerayîya xo de îfade kerd ke kombîyayîşê NATOyî yê Madridî ra veer dewleta tirke nîyetê xo yê îşxalî eşkera kerdo û vat: ''Erdogan wazeno tecrubeyê femînîst, demokratîk û têdûştî yê Rojawanî binpay bikero û wazeno seba ney destûr bigêro. Armancê ci yo esas qirkerdişê kurdan o. Sîyasetê Fransa û Serekkomarîya Fransa zî vera ney bêveng ê. QSDyî DAÎŞ bin visna. Seba ke NATO endama Tirkîya ya û nika NATO hêzo serdest o, seba ke Rûsya bi îşxalê Ukrayna bilbîyaye ya, Rojawan binê tehlukeyî de teyna yo. Eke Erdogan nêro vindartene şerwanê QSDyî beno ke nêeşkê îşxalî vindarnê.

Seba ke ma verê nê qirkerdişî bigêrê, seba ke rêxistinê kurdan lîsteya terorî ra bêrê vetene ganî her çi bikerê. Ma Rojawanî bipawê, Erdoganî vindarnê.''