Paytextê Fransa Paris de çarçewa Hemleya ''Dem Dedê Azadîye yo'' de hetê  CDK-F û TJK-Fyî ra rayraşîyayîşêk ame kerdene.

Çalakîye de hêrişê dewleta tirke yê vera Rojawanî û Şingalî û tecrîdê serê Rayberê Şarê Kurdî Abdullah Ocalanî  ameyî protestokerdene. Badê rayraşîyayîşî mîtîng ame kerdene. Hemserekê CDK-Fyî Necmettîn Demîrkalpî ke tîya qisey kerd vat rîyê bêvengîya welatanê Ewropa ra Tirkîya Kurdîstan de şerê sûcî kena.

Çalakîya de semedê tewrbîyayîşê çalakîya roniştişî ya ke do 1ê êlule de Bruksel de bêro kerdene ame vengdayene.