Paytexdê Fransa Paris de di qirkerdişanê vera kurdan de Sakîne Cansiz (Sara), Fîdane Dogan (Rojbîne), Leyla Şaylemez (Ronahî), Emîne Kara (Evîne Goyî), Mîr Perwer û Abdurrahman Kizil ameyî qetilkerdene.

Seba ke qetilkerdoxan ra hesab bêro persayene kurdîstanijî û dostê înan ke Paris de ameyî têhet, serkêşîya TJK-E de dest pê rayraşîyayîşî kerd û heta Meydanê Republique rayra şîyî.

Senatorê Fransa ke tewrê rayraşîyayîşî bîyî bi pankartê "L'Etat français doit lever le secret-defense! (Dewleta Fransa ganî sirrê dewlete wedaro)"  rayra şîyî.Reyna senatoranê Partîya Komînîstî yê Fransa zî vera dewleta Fransa nêrazîbîyayîş mojna.

Hunermendî zî bi kortejê cîyayî bi pankartê "Justice pour nos martyrs (Semedê şehîdanê ma edalet )" rayra şîyî.

Cinî zî bi pankartê “La femme, la vie, liberte brisée l'obscurité (Vera tarîtîyeJin Jiyan Azadî)" rayra şîyî.

Şaro ke Gare du Nordî ra heta Meydanê Republique rayra şi pankartê semedê azadîya Rayberê Şarê Kurdî Abdullah Ocalanî rayra şi.

Meydanê  Republique de mîtîngî bi Marşê Ey Raqîp û rêzgirewtişê semedê şehîdan dest pêkerd.