Dawetê Sereka Komîteya Daîmî ya Heqanê Merdiman a Parlamentoyê Ewropa Laura Boldriniyî ser o kombîyayîşêk ame kerdene. Temsîlkarê Ewropa yê HDPyî Dervîş Çîmen bi hawayêkê onlineyî tewrê kombîyayîş bi.

Verî Laura Boldrini qisey kerd û bale ante hêriş, teda, Dewaya Kobanê yê HDPyî ser ke

Dervîş Çîmenî qiseykerdişê xo de pare kerd ke bingeyê meseleyanê Tirkîya de meseleya kurdan esta û Tirkîya de meseleya kurdan û meseleya demokrasî heman çi yê û ronîyayîşê xo ra nata HDP xîret keno ke Tirkîya demokratîk biba. Çîmenî pare kerd ke Ewropa zî zanena ke Erdogan dîktator o la seba menfaatanê xo vera polîtîkayanê Erdoganî bêveng manena.

Çîmenî vist vîrî ke weçînayîşê hezîrana 2015î ra nata dewleta tirke hêrişê kurdan kena, şaristanê kurdan ser o bombayan varnena. Çîmenî dîyar kerd ke îqtîdarê Tirkîya binê nameyê terorî de sîyasetmedaranê kurdan erzeno zîndanî û tewr tay 4000 hezar endamê HDPyî nika zîndanî de yê.

Çîmenî bale ante tecrîdê Îmraliyî ser û vat: ''Vera Birêz Ocalanî tecrîdêko giran yeno kerdene û no tecrîd vilayê pêro zîndanan bîyo. Mîsal sîyasetmedare Aysele Tugluk rixmo ke zaf nêweş a hema zî zîndan de tepişîyena. Vera tecrîdî CPT, Yewîya Ewropa, Konseya Ewropa wezîfeyê xo nêanê ca. HDP wazeno çîyêk bikero la verê ci de dewaya qefilnayîşî esta.''

Laura Boldrini peynîya kombîyayîşî de reyna qisey kerd û waşt ke wa zîndanê Tirkîya bêrê kontrokerdene. Laura îfade kerd ke ê tim hetê HDPyî de yê.