Paştdayîşê Radîkalî yê Hollanda bi eşkerayîyêke hewteyê çalakîyan îlan kerd.

Eşkerayîye de ame vîrvistene ke 3ê kanûne de verê bînaya Rêxistina Qedexekerdişê Çekan ê Kîmyewîyan (OPCW) ya Den Haagî de 50 ciwanan çalakîyêke kerde, hêrişê kîmyewî yê dewleta tirke şermezar kerdî û netîceya hêrişê polîsan de 44 ciwanî ameyî destbendkerdene.

Paştdayîşê Radîkalî yê Hollanda vat: ''4 embazê ma yê kurdî hema zî şaristananê cîya-cîyayan ê Hollanda de tepişte yê û heta 23ê sibate roniştişê dewaya vera înan do tepişte bimanê. No zî nîşaneya nîjadperestîya Hollanda ya. Ma şîdetê polîsan şermezar kenê û paştî danê embazanê çalakîkeran.

OPCW hetê NATOyî ra yeno fînansekerdene ke Tirkîya zî endamêka ci ya. Hollanda û Yewîya Ewropa menfaatanê xo ra sebeb kerdişanê Tirkîya meşrû vînenê. Tirkîya multecîyan vera Ewropa sey çeka şantajî xebitnena.

Ma wazenê pêro tepişteyê sîyasî bêrê veradayene û ma paştî danê waştişê cigêrayîşê serê hêrişanê kîmyewîyan. Ma venga her kesî danê tewrê hewteyê çalakîyan bikerê ke 2ê çeleyî de dest pêbikero û 9ê çeleyê 2022î de biqedo. Kesê ke wazenê resimanê xo yê çalakîyan bişawê eşkenê nê adresî de têkilîye ronê: [email protected]''