Wekîlanê Parlamentoya Ewropa vat: ''Îqtîdarê AKP-MHPyî bire daye ke kesanê ke muxalîfê xo vînenê rîskê vîrusê Korona reyde biverdê.''

Raportorê Tirkîya yê Parlamentoya Ewropa Nacho Sanchez Amorî û Komîsyonê Parlamentoya Karma yê YE-Tirkîya ra Sergey Lagodîsnkyî vera vurnayîşê qanûnê înfazî yê bêtêdûştî eşkerayîye daye.

Wekîlanê YE eşkerayîye de vist vîrî ke parlamentoya Tirkîya pê vurnayîşê qanûnê înfazî têna 90 hezar tepişteyî vera dayî la tepişteyê sîyasîyî vera nêdayî ke na rewşe sey şikîyayîşo pîl ê hêvîkerdişî ya. Wekîlan ard ziwan ke înan hêvî kerdêne ke parlamentoya Tirkîya pê vurnayîşê qanûnî cuya tepişteyan bixelisna.

Qanûnêko winasên seba kesanê ke nêheqîye ra tepişte yê hewce yo. La herinda ci de îqtîdar pê zanayîşî cuya sîyasetmedaranê ke muxalîfê xo vîneno, rîskê nêweşîya vîrusê Korona de verdeno.

Zehmetîya ke verê ma de ya pîl a û ma wazenê ke bi hawayêkê demokratîkî û têdûştî vera naye têkoşîn bikerê.''