Zurich û Nurnberg de qurbanê qirkerdişanê Gumgum, Roboskî û zîndanan ameyî yadkerdene.

Şaristanê Nurnbergî yê Almanya de bi merasîmêkî qurbanê qirkerdişanê Roboskî, Gumgum (Mereş) û zîndanan ameyî yadkerdene. Nuştoxe Şehbale Şenyurt Arinli merasîm de qisey kerd û ard ziwan ke  ganî mesuldarê nê qirkerdişan bêrê eşkerakerdene. Hozan Emekçîyî zî îfade kerd ke heta ke polîtîkaya bêcezaverdayîşî dewam bikera qirkerdişî zî do dewam bikerê. Merasîm pê deyîranê Hozan Emekçîyî qedîya.

Şaristanê Zurichî yê Swîsre de rayberîya Federasyonê Hêzan ê Elewîyan ê Swîsre (ÎABF) de qurbanê Qirkerdişê Gumgumî ameyî yadkerene. Merasîm de ame vatene ke qirkerdiş pê destê dewlete ame kerdene. Serekê ÎABFyî Erkan Çinakî zî îfade kerd ke qirkerdişê Roboskî, Gumgum û zîndanan pêro hetê dewlete ra ameyî kerdene.

Waya Alî Şaveyo ke Qirkerdişê Gumgumî de ame qirkerdene Meryeme Tiraş ANFyî rê qisey kerd û pare kerd ke birayê ci wexto ke 14 serre bi ame qetilkerdene û seba ke ê Almanya de bîyî hayîya înan pê qirkerdişî çinbî. Meryeme vat: ''Dewlete qetî agahîye nêdaye ma.''