Bajarê Saarbruckenî yê Almanya de bi wesîleya serrgêra 28. ya qedexeyê vera PKKyî çalakîye ameye kerdene. Çalakîya ke hetê Merkezê Komelê Demokratîkî yê Kurdan ra ameye oprgazîkerdene pîya bi kurdan xeylêk komelê almanî û dostê kurdan zî tewrê ci bîyî.

Rayraşîyayîş de pê pankart û dovîzan veng dîya dewleta almane ke wa qedexeyê vera PKKyî wedaro û paştî nêdo Tirkîya. Dima ra mîtîng ame kerdene û derheqê qedexeyî de vilaweke ame wendene. Temsîlkarê raameyîşê Seebruckenî vat: '''Almanya de 1993î de PKK ame qedexekerdene. A roje ra nata kurdî tîya sey sûcdarî yenê ramojnayene. Pîya bi nê qedexeyî derheqê xeylêk kurdan de dewayî ameyî akerdene û hema zî yenê akerdene. No qedexe bêmana yo û ganî cade bêro wedaritene. Wa Almanya hinî polîtîkaya krîmînalîzasyonî ya vera kurdan caverdo. Erdogan vera kurdan polîtîkaya şerî rayra beno. Ma vera şerê Erdoganî paştî danê kurdan. Almanya û welatê Ewropa zî ganî wina bikerê.'' Qiseykerdişê bi nameyê Linksjugendî zî de ame vatene ke sere de Almanya Ewropa de vera kurdan polîtîkaya xelete yena caardene û ame vengdayene  wa na polîtîka caverdê.Têkoşînê kurdan ê vera DAÎŞî zî ame vîrardene û ame vatene ke sere de Rojawan ganî paştî bidîyo kurdan.