Merkezê Çapemenîya Hêzanê Sûrîyeya Demokratîke (QSD) derheqê hêrişanê dewleta tirke û çeteyanê ci yê vera Rojawanî de eşkerayîye daye û nê vatî:

''Deleta tirke ya îşxalkere û çeteyanê ci rixmê cehdkerdişê Amerîka vizêr û ewro reya hêrişê xo yê vera Kobanê, Awbendê Tişrînî û Ey Îsayî domnayî. Çeteyan vizêr saetanê şanî de bi paştdayîşê dronan û pawitişê hewayî hîrê hetan ra hêrişê Awbendê Tişrînî kerd. Şervananê Meclîsê Leşkerî yê Minbicî cewabê hêrişan da, xeylê çeteyî ameyî kiştene û birîndar bîyî. Pîya bi nêyî îşxalkeran bi droneyan 8 reyî herême da bombayan ver.

Saetanê şewe de droneyanê dewleta tirke ya îşxalkere herêma Pirdê Qereqozaxî û dewa Bîr Hesoyî yê Kobanê hîrê reyî dayî bombayan ver û xeylê hêrişê fuze û topan kerdî.

Droneyanê îşxalkeran bîn şewe dewa Hoşanî ya Eyn Îsayî de wesayîtêk da bombayan ver. Reyna dewê Girê Spî zî bi desan reyî bi topan û havanan dîyayî bombayan ver.

Ewro saetanê serê sibayî de bi paştdayîş hewa erdî yê dewleta tirke çeteyan vera herêma Awbendê Tişrînî hêrişo hîra da destpêkerdene. Mabênê şervananê Meclîsê Leşkerî yê Minbicî û îşxalkeran de pêkewtişê giranî qewimîyayî. Herême de firdayîşê droneyan zî dewam keno.

Vera hêrişanê dewleta tirke ya îşxalkere û çeteyanê ci hêzanê ma vizêr saetanê şanî de  droneyo bi nameyê Bayraktar TB2 da war. Hêzê ma herêma Pirdê Qereqozaxî de pozîsyonê pawitişî girewt, sere Kobanê semedê pawitişê herêmanê Rojawanî hazir ê.

Dewleta tirke ya îşxalkera ke adirbirnayîş îstîsmar kena û hêriş û plananê xo yê qirkerdişî domnena kena ke rayrapêroyîye bixapîno. Ganî her kes hinî eşkera bizano ke dewleta tirke û çeteyê ci wazenê herême îşxal bikerê û şarî herra ci raqilnê.''