Kombîyayîşanê heyetê pêroyî yê Parlamentoyê Ewropa (PE) de derheqê polîtîkayanê hemparan ê waranê teberî, asayîş û pawitişî yê Yewîya Ewropa de di raporî ameyî dayene.

Nê raporan ra yew zî derheqê Polîtîkaya Asayîşê Hemparî û Pawitişî yê YE de yo. Raporo ke Endama Koma Lîberale (Renew) a wekîla fransize Nathalie Loiseau dayo tede ame vatene ke Tirkîya 'çimeyê bêaramîye ya.'

Goreyê ajansê xeberan ê almanî DWyî ''Tirkîya seba YE û cîranan xeylêk waranê qesawetan de bi rolêko ke aramîye çin kena têgêrena û bi nê hawayî haştîya herêmî, asayîş û aramîye rê gef wanena.''

Nathalie Loiseau 2019 de verî ke biba endama PE hukmatê Serekkomar Emmanuel Macroyî de wezîfeyê Wezîra Karanê Ewropa kena.

Rapor de ame parekerdene ke perspektîfê endamîya YE ya Tirkîya 'raştîye ra dûrî' yo. Rapor de wina ame vatene: ''Ganî Tirkîya nê têgêrayîşî ra cade fek vera bida.'' Raporî pêşnîyaz kerd ke muzakereyê bi Tirkîya bêrê vindarnayene.

Rapor de dîya zanayene ke Tirkîya xeta polîtîke ya YE ra dûrî kewta, meseleya Dengizê Rojhelatî de xasmîye kerda.