Rayraşîyayîşo dergo ke rayberîya Têgêrayîşê Ciwananê Şorişgêran de Yunanîstan de semedê protestokerdişê Komploya  9’ê Teşrîna Verêne ya vera Rayberê Şarê Kurdî Abdullah Ocalanî  ame destpêkerdene roja dîyine de dewam keno.

Rayraşîyayîşo ke bi tewrbîyayîşê bi desan ciwanan bajarê Lavrîo de ame destpêkerdene bi şîarê 'Rayberîye de reyde şire û faşîzm birijne' yeno viraştene. Çalakgerî derheqê komplo û hêrişanê dewleta Tirkî yê vera Rojawanî de vilawekan vila kenê. Ciwanî do roja hîrêyine de Atîna de kîtlekî ver bi konsoloxaneyê Tirkî rayra şirê.