Bajarê Saarbruckenî yê Almanya de semedê azadîya tepişteyanê sîyasîyan çalakîya xeyme ameye kerdene.

Çalakîya ke serkêşîya Meclîsê Cinîyan ê Şirine Elemhulî de ameye kerdene de fotografê tepiştîya nêweşe Aysele Tugluk, Garîbe Gezera ka zîndan de şehîde bîyî û fotografê tepişteyanê bînan ameyî daliqnayene. Çalakwanan bi vilawekan bale ante polîtîkaya dewleta tirke ya tecrîd û îşkenceyî ya vera tepişteyanê sîyasîyan ser û şexsê Aysele Tugluk de bale ante rewşa tepişteyanê nêweşan ser. Qiseykerdişan de ame vîrvîstene ke mengêke de 7 tepişteyan dinyaya xo bedilnaye  û ame vatene ke zafê înan mergê şikdar ê. Çalakîye de semedê wayîrvejîyayîşê xoverdayoxanê zîndanan ame vengdayene.