Hîrê cinîyê şorişgêrî yê Kurdan Sakîne Cansize, Fîdan Dogane û Leyla Şaylemeze yê ke 9ê Çile ya 2013î de paytextê Faransa Parîs de ameyî qetilkerdene, serrgêra şeşine ya kişîyayîşî de xeylî merkezanê Ewropa de ameyî vîrardene.

MARSÎLYA

Bajarê Marsîlya yê Fransa de hetê Meclîsê Cinîyan ê Arîn Mîrkane de vîrardişêk ame organîzekerdene. Ame vatene  ma şima xo vîra nêkerdî do vîra mekerê.

LAVRIO

Bajarê Lavrio yê Yunanîstanî de zî Cansize, Dogane û Şaylemezî ameyî vîrardene. Aktîvîteya ke rayberîya têgêrayîşê cînîyan de ameye viraştene bi seyan kesî tewrê ci bîyî.

ZURÎH

Bajarê Zurîhî yê Swîsre de zî Meclîsê Cinîyan ê Berîtane seba protestokerdişê qirkerdişê Parîsî çalakîyêk organîze kerde. Vernîya konsolosxaneyê Fransa de ame waştene ke wa qetilkarî bêrî cezakerdene.

LUZERN

Bajarê Luzernî de zî rayberîya Meclîsê Cinîyan ê Arîn Mîrkane de aktîvîteya vîrardişî ameye viraştene.

Reyna bajaranê Lozan, Basel û Bernî yê Swîsre de zî aktîvîteyê ameyî viraştene.

BERLÎN

Paytextê Almanya Berlîn de semedê protestokerdişê qirkerdişê Parîsî aktîvîstanê JXK û  JCAyî çalakîya bêîtaatîye ya sivîlî viraşte.

Reyna Meclîsê Cinîyan ê  Destane zî vernîya seferîya pîlî ya Fransa de çalakîyêk organîze kerde.

KOLN

Bajarê Kolnî yê Almanya de zî rayberîya Meclîsê Cinîyan ê Vîyane de vernîya Kîliseya Domî de çalakîyêk ameye viraştene.

STUTTGART

Stuttgart de zî rayberîya JXKyî de cinîyanê ciwanan Unîversîte de vilawekî vila kerdî û vat ke ê do mucadeleyê Cansize, Dogane û Şaylemeze bidê dewamkerdene.

MUNÎH

Munîh de zî vernîya konsolosxaneyê Fransa de bi çalakîyêk Sara, Rojbîne û Ronahî ameyî vîrardene.

DUSSELDORF

Bajarê Dusseldorfî yê Almanya de vernîya konsoloxaneyê Fransa de çalakîyêk ameye viraştene. Qiseykerdişo ke bi nameyê Însîyatîfê  Cinîyan ê Nalîn Mûşî ame kerdene de ame vatene ke cinîyê Kurdan do heta bicaardişê edaletî mucadeleyî rê dewam bikerê.

FRANKFURT

Bajarê Frankfurtî de zî Kurdistanijî û dostê înan vernîya konsolosxaneyê Fransa de ameyî têhet û vera qirkerdişî hêrsê xo ard ziwan.

HILDESHEIM

Bajarê Hildesheimî yê Almanya de zî hîrê cînîyê şorişgêrî bi aktîvîteyêk ameyî vîrardene. Aktîvîteya ke rayberîya meclîsê cinîyan de ameye viraştene bi slogananê ‘‘Jin Jîyan Azadî, Sara, Rojbîne, Ronahî‘‘ ameye qedînayene.

PARÎS

Payextê Fransa Parîs de hetê Jinên Ciwanên Azadî ra rayraşîyayîşêk ame viraştene. Çalakwanan pankartê ‘‘ Pêrodayîşê şima ê ma yo‘‘ kirşt û çalakwanê grevê vêşanîye zî silam kerdî.

BORLANGE

Bajarê Borlange yê Swêdî de zî bi çalakîyêk qirkerdişê Parîsî ame şermezarkerdene.

ROMA

Paytextê Îtalya Roma de zî çalakîya edaletî ameye viraştene. Çalakîya ke vernîya konsolosxaneyê Fransa de ameye viraştene de selahîyetdaranê rê dosyayêk ameye dayene û çalakwanê grevê vêşanîye ameyî silamkerdene.

ERÎVAN

Seba protestokerdişê qirkerdişê Parîsî  bajarê Okorberyanî yê Ermenîstanî de zî aktîvîteyêk ameye viraştene.

MELBOURNE

Bajarê Melbourne yê Avûstûralya de zî aktîvîteyê vîrardişî ame viraştene.

BRUKSEL

Paytexta Belçîka Bruksel de zî vernîya konsolosxaneyê Fransa de bi çalakîyêk Cansize, Dogane û Şaylemeze ameyî vîrardene.

Heme çalakîyan seba tewrbîyayîşê çalakîya 12ê Çile ya Parîsî ame vengdayene.