Keyeyê Îrfan Kiliçî ê tepişteyî yo ke qezaya Bongilanî  yê Çewlîgî ra yo komeleya Kurdan a Anversî de xeyma serweşîye ronaye.

 Kiliçî 3’ê Temmuze de Zîndanê Kandira yê Tîpê F’yî yê Hûmara 2’yine de bi hawayêkê bigumanî cuya xo vînî kerde. Amebi pêhesnayene ke Kiliçî hemverê tecrîdî de xo kiştibi, la gama dayîşê cenaze de û bicaardişê otopsîye de û di rojan ra dima dayîşê hayîdarîya merge ê xo reyde gumanî ardîbî. Pîyo ke cenazeya lajê xo dîye, pêhesna ke ameyo înfazkerdene. Şopê sîyayî yê serê bedenê ê, şikitişê serê bedenê ê û birînê êyê xorînî û şewatê serê bedenê ê gumanî kerdî zêde.

 Hemserekê Kongreya Gelî Remzî Kartal zî şi xeymeya serweşîye ya ke Anvers de amîbî ronayene. Kartalî vat, “Goreyê hayîdarîyanê ke kewtê ma dest, ameyo şehîdkerdene. Dimayê şehîdfînayîşî, batanîyeyêk rê pêşayê û bi şewatî waştê ke vajê çalakîya fedaî ya. Bi nê hawayî waştê ke bi keyeyî bidê bawerkerdene.

 Kartalî bale ante serê cehdanê dewleta Tirkî yê seba xirakerdişê moral û motîvasyonê şarî û vat, “Na babete de çîyo ke keweno milanê ma ser goreyê prosesî ma şarê xo motive bikerê û şehîdan û mucadeleyî rê wayîr vejîyê.”