Semedê koçberanê sînorê Belarus-Polonya şaristanê Kolnî yê Almanya de çalakîya rayraşîyayîşî ameye kerdene û Yewîya Ewropa ra ame waştene ke koçberan qebul bikera.

Çalakîye hetê dezgehê bi nameyê See Brucke ra ameye serûberkerdene û dezgehê sivîlî zî tede tewr tay 1000 hezar kesî tewrê çalakîye bîyî. Çalakîye de sloganê "Bleibe recht fur alle" (Her kesî rê heqê mendişî) ame vatene û bale ameye antene şert û mercanê koçberan ser.

Çalakîye de pankarta bi nuşteyê 'Êyê ke uca de yê çekî nîyê merdim ê' ameye akerdene. Çalakîye de tewirê Yewîya Ewropa yê vera koçberan ame şermezarkerdene û ame waştene ke koçberan rê sînor bêro akerdene.

Kurdîstanijî zî nameyê Merkezê Komelê Demokratîkî yê Kurdan ser o pê alayanê YPGyî tewrê çalakîye bîyî.