Semedê paştdayîşê HDP’yî do çalakîyê hemwextî berê viraştene

KCDK-E û TJK-E semedê paştdayîşê HDP’yî veng da heme Kurdan û hetanê muxalîfan ke wa emşo saete 18:00 vejîyê kuçeyan û vera îqtîdarê faşîstî yê AKP-MHP’yî vengê xo berz bikerê.

Dîwanê Hemserekîye yê KCDK-E û Têgêrayîşê Cinîyan ê Kurdan ê Ewropa (TJK-E) bi eşkerayîyan da zanayene vera xespkerdişê îradeyê şarî do ewro xeylî cayan de çalakîyî berê viraştene û waşt ke heme Kurdî û dostê înan tewrê ci bîbê.

Eşkerayîyan de ame vîrardene ke îqtîdarê AKP-MHP’yî şaredarîyê Amed, Wan û Mêrdînî yê HDP’yî xesp kerdî û operasyonê qirkerdişê sîyasîyî bi seyan kesî ameyî destbendkerden û vatene ke ewro do Ewropa, Kanada, Awusturya û Japonya bi hawayêkê hemwextî saetê 18:00 çalakîyî berê viraştene. KCDK-E û TJK- E semedê tewrbîyayîşê çalakîyan veng da heme Kurdistanijan û hetanê muxalîf û demokratan û watş ke wa  vera faşîzmî de vengê xo berz bikerê.