Strasbourg de seba ke dewleta tirke semedê wedaritişê tecrîdê serê Rayberê Şarê Kurdî Abdullah Ocalanî tewîzî waştî çalakîya protestoyî ameye kerdene û veng dîya dezgehanê eleqedara ê Ewropa ke wa hemkarê sûcê tecrîdî mebê.
Badê eşkerayîya Hemsereka Konseya Rayberdişî ya KCK Besê Hozat ke vat dewleta tirke vera wedaritişê tecrîdê serê Rayberê Şarê Kurdî Abdullah Ocalanî tewîzî waştî, her hetî ra vengê nêrazîbîyayîşan bi berz.
Bajarê Strasbourgî yê Fransa de zî derheqê na babete eşkerayîye ameye dayene. Eşkerayîye warê Nobeta Azadîye de ameye kerdene ke 13 serrî yo yena domnayene.
Warê çalakîye de pankartê “Tu kes nikare azadiya Serok Apo bike mijara bazirganiyê” û flamayê ke serê fotografê Abdullah Ocalanî est ê û beyraqa PKKyî ameyî kiriştene.
Eşkerayîye de tecrîdê Îmraliyî û waştişê bazarîye yê dewleta tirke ameyî şermezarkerdene û veng dîya dezgehanê eleqedar Ewropa ke wa hemkarê sûcê tecrîdî mebê.
Eşkerayîya çapemenîye bi slogananê “Bijî berxwedana İmralî” , “Bijî berxwedana gerîla” , “Bimre îxanet” , “ Bijî Serok Apo” qedîyaye.
