Swêdî seyahatê ver bi Tirkîya ser o hişyarîye daye
Swêdî hemwelatîyanê xo ra waşt ke nêşorê herêmanê serê sînorê Sûrîye û Iraqî yê Tirkîya. Balkêş o ke xeberanê serê hêrişanê dewleta tirke û PDKyî ra dima wezîrîye na hişyarîye daye.
Wezîrîya Karanê Teberî ya Swêdî bi eşkerayîyêke hemwelatîyê xo hişyar kerdî ke wa nêzdîyê sînorê Sûrîye û Iraqî yê Tirkîya mebê.
Wezîrîye seba Hatay, Kîlîs, Şirnex û Colemêrgî hişyarî daye ke 'gêrayîş û seyahetê nehewceyî mekerê.'
Wezîrîye 'vurîyayîşê reşwa asayîşî' sey bahane mojna la derheqê tedeyîya rewşe de agahîyêke nêdaye.
Balkêş o dima ke xeberê ke vanê '15ê nîsane de PDK û dewleta tirke do hêrişê waranê gerîlayan bikerê' weşanîyayê na hişyarîye ameye dayene.
