Bi çalakîyanê ke Swîsre û Qibris de ameyê viraştene, awankerdişê dêsê îşxalkerdişî yê dewleta Tirkî yê Efrînî ame protestokerdene.

Awankerdişê dêsê îşxalkerdişî yê dewleta Tirkî yê Efrînî bajarê Zurîhî yê Swîsre de bi çalakîyêk ame protestokerdene. Kurdistanijî bi vengdayîşê PYD Swîsre Rathausbrucke de ameyî têhet û mîtîngêk viraşt. Mîtîng de pankartê bi nuşteyê “Awankerdişê dêsê îşxalkerdişî yê Efrîn rê ney” û “Awankerdişê dêsê îşxalkerdişî yê dewleta Tirkî yê Efrîn rê ney” û alayê YPG/YPJ’yî û posterê Ocalanî ameyî akerdene. Çalakîya ke vilawekê bi zimanê Almankî amayî vilakerdene de bi nameyê PYD Swîsre Abbas Omerî qisey kerd û ar d ziwan ke, Dewleta Tirkî wazana ke Efrînî erdanê Sûrîye ra bivisno û  bigêro parçeyê xo û Kurdistanijî vera nê îşxalkerdiş û talanî do bivindê. Omerî bale ante serê grevê vêşanîye û rojeyê mergî yê ke seba wedaritişê tecrîdê serê Ocalanî yenê kerdene û vat, “Ganî her ware de ma xoverdayoxanê grevê vêşanîye û rojeyê mergî ra wayîr bivejîyê û têkoşînî xurt bikerê.

Paytextê Qibrisî Lefkoşa de, Meydanê Ledra de îşxalkerdişê Efrînî  û awankerdişê dêsê îşxalkerdişî hetê PYD û dostanê ci ra ame protestokerdene. Parlamenterê Partîya Ekolojî Yorgos Oerdîkîs, Partîya AKEL’î ra Vera Polykarpuy û Partîya EDEK’î ra Nîkolas Hrîsto û grubê Ciwanan ê Sosyalîstan tewrê çalakîye bîyî. Çalakîye de dostê Kurdan Despo Pîlavakî  qisey kerd û vat, “Tirkîya Efrîn de nameyê cayanê ciwiyayîşî bedilnena. Tehdît bi merdiman kenê û zulm kena.” Qiseykerdiş û eşkerayîyan ra dima çalakîye bi nawnayîşê sînevîzyonek qedîyaye.