Xeylêk şaristananê Ewropa de bi şîarê ''Rayber Apoyî rê Azadîye, Kurdîstanî rê Statu'' çalakîyî ameyî kerdene û tecrîdê vera Rayberê Şarê Kurdî Abdullah Ocalanî ame protestokerdene.

Paytextê Yunanîstanî Atina de kurdîstanijan û dostanê înan vengdayîşê KCDK-E ser o verê Parlamentoyê Yunanîstanî de çalakîyêke kerde. Çalakîye de derheqê tecrîdî de vilawekî zî ameyî vilakerdene û sloganê sey Bijî berxwedana gerîla", "Bijî Serok Apo", "Bê Serok jiyan nabe" û "Dîktator Erdogan" ameyî vatene.

Şaristanê Nantesî yê Fransa de zî bi çalakîya  'Rayber Apoyî rê wayîrvejîyayîşî' tecrîd ame  protestokerdene. Çalakîye de fotografê Rayberê Şarê Kurdî ameyî akerdene û sloganê sey ''Rayber Apoyî rê Azadîye'' ameyî vatene.