Tecrîdo girankerde yo ke serê Rayberê Şarê Kurdî Abdullah Ocalanî de yeno domnayene do Meclîsê Federalî yê Almanya de bêro destgirewtene. Parlamenterê partîya Çepî Brandtî hukmatê Merkele ra wina persa: "Seba ke CPT şiro Îmrali şima do çîyêk bikerî?"
Hemverê tecrîdo grankerdeyî yo ke dewleta Tirkî serê Rayberê Şarê Kurdî Abdullah Ocalanî de bica ana de bêvengîya Ewropa, bitaybetî zî ya hukmatê Almanya bale encena xo ser. Partîya Çepe tecrîdê Îmralî do bikirişo rojeva Meclîsê Federalî yê Almanya.
Parlamenterê partîya Çepî Michel Brandtî hukmatê Almanya ra wina persa: ‘Komîteya Vernîgirewtişê Îşkenceyî (CPT) ya ke pabesteya Konseyê Ewropa ya, do Ocalan û Leyla Guvena ke 7 Kanûne 2018î ra nata grevê vêşanîye yê bêdem-bêagêrayîşî de ya zîret bikerî?‘
Goreyê çimeyanê ANFyî yê ke Partîya Çepe ra nêzdîye persê Brandtî wina yê.
‘‘Derheqê rewşa weşîya Abdullah Ocalanî yo ke Îmrali de yeno tepiştene de zanayîşê Hukmatê Federelî esto? Hukmato Federel seba ke CPT Leyla Guvene ya ke seba wedarişê tecrîdê serê Ocalanî grevê vêşanîye de ya, zîyaret bikero, do çîyêk bikero?‘‘
Yeno pawitene ke persê Brandtî roniştişê roja Çarşeme yê Meclîsê Federelî de hetê îdarekaranê hukmatî ra bêrî cewabkerdene.
