Têgêrayîşê Ciwanan ê Şorişgêrî bi eşkerayîyêka nuştekîye da zanayene ke 19-20 Çile de ciwanê Kurdî do seranserê dinya de seba wedartişê tecrîdê serê Rayberê Kurdî Abdullah Ocalanî û paştîdayîşê grevanê vêşanîye bivejîyê kuçeyan û seba tewrbîyayîşê çalakîyan veng da.

Vengdayîşî de ame vatene ke eyaletê NRWyî yê Almanya de bi tewrbîyayîşê Kurdan û dostanê înan do Essen de çalakîyek bêro viraştene û ame waştene  ke wa her kes tewrê ci bibo.

Eşkerayîye de nê ameyî vatene: ‘‘Ewro bêvengmendiş yeno mehneyê hemkarîya faşîzmî û şermêko gird o. 19ê Çile de mîlyonêk ciwanî do heme leteyanê Kurdistan û heme cayanê dinya de vera tecrîdî çalakîyan virazî. Kurdistanij û enternsyonalîstê ke NRW de yê, do Essen de çalakîyêk virazî. Çalakîya ke saet 15.00 de do dest pê bikero ganî heme Kurdî û dostê ma tewrê ci bibî.‘‘