Şaristanê Torontoyî yê Kanada de vengdayîşê Meclîsê Demokratîkî yê Kurdan û Komunê Cinîyan ê Sara Ozgur ser o bi şayîyêke Newroze ameye fîrazkerdene. Tewr tay 3 hezar kurdîstanijî tewrê şayîye bîyî.

Hemserekanê Meclîsê Demokratîkî şayîye de qisey kerd û mesajê KCDK-E ame wendene. Hetê bînî ra Parlamenter Francesco Sorbara û Têgêrayîşê Cinîyan ê IWDyî ra temsîlkaran zî qisey kerd.

Şayîye de Koma Çiyagerî, Sîdar Kendal, Zinar Sozdar û Azad Aslan vejîyayî sehne ser. Girseyî bi deyîran govende girewte û sloganê 'Biciwîyo Serek Apo' ame vatene.